1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Amsoshin takardunku

Menene hukuncin mutumin da yake cikin yin sahur aka kira Sallah

Bayani akan hukuncin mutumin da yake cikin yin sahur aka kira Sallah

Masallacin Birnin Berlin a Germany

Masallacin Birnin Berlin a Germany

Masu sauraronmu assalamu alaikum, barkammu da wannan lokaci, sannunmu da sake saduwa da ku a cikin wani sabon shirin na Amsoshin takardunku, shirin da a kowane mako yake amsa wasu daga cikin tambayoyin da kuka aiko mana.

Abdullahi: Fatawarmu ta wannan makon ta fito daga hannun Malam Dan’azumi Kabir daga Jihar Yobe a Najeriya,Malamin yana tambaya ne game da cewar; Shin idan mutum yana cikin yin sahur, sai ya ji kiran sallah, to yaya zai yi?

Bashir: To na mika wannan tambaya ga Shahararren malamin addinin musuluncin nan dake jihar kanon tarayyar Najeriya, wato Dr Aminuddeen Abubakar, Ga kuma abin da ya ce game da amsar wannan tambaya.

Aminuddeen: To idan mutum yana cikin yin sahursai ya ji kiran sallah, abin da zai yi shine, sai ya karasa cinye abincin da ke hannunsa. Dalili shine Hadisin Manzon Allah Sallallahu alaihi wasallam, wanda Abu Dawud ya ruwaito, wanda kuma aka karbo daga Abu huraira (Allah ya yarda da shi) ya ce: “Idan dayan ku ya ji kiran sallah alhali kwarya tana hannunsa, kada ya ajiye ta har sai ya biya bukatarsa’’.

To amma fa yan-uwa sai a yi hattara, kada mutum ya mayar da wannan dabi’a ta zama al’darsa ta yau da kullum.

Allah shine mafi sani.

  • Kwanan wata 01.10.2007
  • Mawallafi Abba Bashir
  • Bugawa Buga wannan shafi
  • Permalink http://p.dw.com/p/BvUg
  • Kwanan wata 01.10.2007
  • Mawallafi Abba Bashir
  • Bugawa Buga wannan shafi
  • Permalink http://p.dw.com/p/BvUg