1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

MDD ta bukaci Jammeh ya bada hadin kai

Wata tawaga mai karfi ta shugabannin yammacin Afirka za ta kai ziyara Gambiya domin shawo kan shugaba Yahya Jammeh ya amince da kaddara ya mika ragamar mulki cikin kwanyiyar hankali.

USA UN-Sicherheitsrat tagt in New York zu Syrien (Getty Images/AFP/D. Reuter)

Wakilan kwamitin sulhun Majalisar Dinkin Duniya

Kwamitin sulhun Majalisar Dinkin Duniya ya yi kira ga shugaban kasar Gambiya Yahya Jammeh ya gana da tawagar masu shiga tsakani daga kasashen duniya wadanda suka tashi zuwa Banjul domin rarrashinsa ya mika ragamar mulki.

Shugaban Najeriya Muhammdu Buhari da shugabar Liberia Ellen Johnson Sirleaf da shugabannin Saliyo da na Ghana da kuma manzon Majalisar Dinkin Duniya a yammacin Afirka Muhammed Ibn Chambers za su sauka birnin banjul a yau Talata domin ganawa da shugaban.

Kwamitin sulhun Majalisar ya bukaci shugaba Jammeh ya bada hadin kai ga tawagar ta Majalisar Dinkin Duniya da ta kungiyar raya ci gaban kasashen yammacin Afirka  ECOWAS  domin cimma masalaha cikin ruwan sanyi.