matashi ya kirkiro na'urar auna gina
June 13, 2017A Jihar Katsina da ke Najeriya wani malami a tsangayar fasahar gine-gine a kwalejin kimiyya da fasaha na tunawa da Janar Hassan Usman Katsina, ya kirkiro na'urar auna ingancin gini a lokaci guda musamman gini wanda ya kunshi kankare, sabanin baya dole sai gini ya kai kwana 28 sannan a gane ingancin.
Kirkiro wannan na'ura dai ya sa malamin ya zo na biyu a wani bajakoli na fasaha da aka yi a Abuja, inda masana harkar gine-gine suka bayyana cewa na'urar ita kadaice irinta a duniya,
Wannan na'ura dai ana amfani da ita a kowane gini kuma kirkiro na'urar nada nasaba da yadda gine-gine ke yawan rushewa saboda rashin sanin hakikacin ingancinsa kamar yadda wanda ya kirkiro na'urar Injiniya Sama'ila Bawa Faskari. A kasashen Afirka masu tasowa akwai hazikan mutane masu dinbun basira sai dai basirar kan disashe saboda ba sa samun gwarin gwiwa daga mahukunta.