1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Mataimakin shugaban Amirka ya kai ziyarar bazata Iraki

Mataimakin shugaban Amirka Dick Cheney ya kai wata ziyarar ba zata a Iraqi. An gudanar da shirye-shiryen kai wannan ziyara cikin sirri, abinda da alama ya zowa FM Iraqi Ibrahim al-Jaafari da bazata. Bayan ya gana da jami´an gwamnati mista Cheney ya kuma tattauna da kwamandojin sojin Amirka a yankin nan na tsaro da ake kira Green Zone dake birnin Bagadaza. Ziyarar ta sa ta zo ne a daidai lokacin da sabbin tashe tashen hankulan da suka barke a Iraqi, suka yi sanadiyar mutuwar akalla mutane 17. Shugabannin ´yan sunni da shi´a sun yi kira da a kwantar da hankali kana kuma a guji abin da suka kira ta da zaune tsaye da zai rarraba kawunan ´yan kasar bayan zaben gama gari da aka gudanar cikin makon jiya.