1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Macron ya kafa sabuwar gwamnatin Faransa

Fitaccen dan gurguzun nan Jean-Yves Le Drian na a matsayin wanda zai jagoranci harkokin kasashen wajen Faransa.

Sabon Shugaban Faransa Emmanuel Macron ya kafa gwamnati a karon farko a wannan rana ta Laraba inda ya bayyana fitaccen dan gurguzun nan Jean-Yves Le Drian a matsayin wanda zai jagoranci harkokin kasashen waje da 'yar majalisa daga Kungiyar Tarayyar Turai Sylie Goulard a matsayin ministar tsaro.

Wasu manyan jami'ai da aka nada sun hadar da magajin garin birnin Lyon Gerard Collomb a matsayin ministan harkokin cikin gida sai mai matsakaicin ra'ayi Francois Bayrou da zai kula da harkokin shari'a, da mai ra'ayin rikau Bruno Le Maire da aka bayyana a matsayin ministan tattalin arziki.