Zabiya a kasar Kwango sun tashi tsaye don kare kansu, bisa nuna musu wariya da ake yi, don haka kungiyar Zabiya ta shiya bikin karfafa gwiwar wadanda matsalar ta shafa
Hoto: DW/S. Mwanamilongo
Hatsarin rashin sanin tabbas
Saboda launin fatar jikinsu, Zabiya ba a cika cudayya da su ba ko kuma akan kai musu farmaki. Zabiya dai wata cuta ce daga haifuwa da ke samun fatar dan Adam.
Hoto: DW/S. Mwanamilongo
Ba launin fatar kadai ake gani ba
Karon farko kenan da suka yi bikin "Fièrement Ndundu" - " na alfaharin kasancewar Zabiya" tamkar wani karamin juyin juya hali ne. Kwanan uku aka yi anan shagulgulan bikin a Kinshasa Babban birnin kasar Kwango, bikin wata alama ce ta kara neman karbuwa ga jama'a. Soyayya da karbuwa tuni aka samu daga bude bikin, inda wadanda ba Zabiya ba ne, suma suka halarci bikin.
Hoto: DW/S. Mwanamilongo
Almara tattare da Zabiya
Wanda ya shirya bikin, Yannick Mambo na son kawar kyamar Zabiya. Kawo yanzu a gabashin Afirka akwai wadanda suka yi imanin cewa Zabiya na da wani sinadarin magani. A mkwabciyarsu Tanzaniya ana bin Zabiya ana kashe su, ana kuma sayar da sassan jikinsu kudi mai yawa a kasuwannin " Duniya tamkar wata haja", a cewar Mambo. "Launin jikinmu kamar wani bangarensa ne."
Hoto: DW/S. Mwanamilongo
Abu mai kyau ga 'yan kasuwa
Wani taron bita da aka shirya wa mata da masu sana'a da jami'ai. Bai kamata su dauki cutar a matsayin wani abun kyama ba, a maimakon haka ya zama wata hanyar samun kwarin gwiwa.
Hoto: DW/S. Mwanamilongo
Koyon jan hankali
'Yar kassuwa Chantal Mulani ta yi farin ciki da taken taron mai lakabin "Kasuwanci." Ta koyi cewa saboda matsalar da ta sameta, tana iya maida hakan ta zama wata hanyar inganta kasuwancinta. "Haka na ga abun: a maikon na rika jin kunya saboda cutar, zan ma iya maida hakan wata nasara."
Hoto: DW/S. Mwanamilongo
Samun kariyar manyan mutane
Saboda tsoron masu cin zarafi, iyayen Zabiya na boye 'ya'yansu akasari cikin gida. Lexus Légal (aga hannun dama), yana ganin haka bai dace ba. Dan kasar Kwango mai wakar salon Rap shi ne ya jagoranci shirin bude taron. "Kamata ya yi suna sanyawa 'ya'yansu soyayya. Bai kamata iyayen su rika nuna wa 'ya'yan da suka haifa wariya ba."
Hoto: DW/S. Mwanamilongo
Kalamai masu karfi
Samy Mulumba na son karfafawa mahalarta taron gwiwa ta hanyar tarhin rayuwarsa. Yayi karatu, kuma yanzu shi lauya ne a kotun kasar da ke Kinshasa. A wannan bikin ya yi karin haske bisa yancin doka da ake da ita. "Yancin Zabiya dole ne a kare shi."
"Fièrement Ndundu"- Shi ne bikinsu na farko na alfahari da kasancewarsa Zabiya Hakan ya zama tamkawa wani dan karamin juyin juya hali ne. Bikin na tsawon kwanaki uku a Kinshasa babban birnin kasar Kwango, an shirya shi ne bisa samun karuwar karbuwa daga jama'a. A jawabai mahalartan na son yin musayar ilimi. Soyayya da amincewa daga jama'a dai abu ne da tun ranar farkon bude bikin aka samu, inda cikin mahalata taron ba wai masu fama da larurarl Zabiya ne kawai suka hallara ba.
