1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Karo na 3 a ƙarshen mako an sake kai harin ƙunar baƙin wake a Pakistan

Wani dan kunar bakin wake ya halaka akalla mutane 12 sannan ya jiwa wasu 20 rauni a wata cibiyar daukar ´yan sanda aiki dake yankin arewa maso yamacin kasar Pakistan. Wannan harin dai shi ne irinsa na 3 da aka kai a yankin a karshen wannan mako. Da farko wasu ´yan takife da ake zargi ´ya´yan kungiyar Al-Qaida ne da na Taliban sun kai tagwayen hare haren kunar bakin wake inda suka halaka mutane 17 ciki har da sojoji 11 a wani abin da ke zama daukar fansa ga murkushe masallacin Lal Masjid na birnin Islambad da gwamnati ta yi. A jiya asabar wani dan kunar bakin wake dauke da bama-bamai a cikin mota ya afkawa ayarin motocin jami´an tsaro inda ya kashe akalla mutane 14 a wannan yanki dake kusa da kan iyakar Pakistan da Afghanistan.