1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Jirgin ruwan Libiya ɗauke da kayan agaji ya darkaka zuwa Gaza

Sadissou YahouzaJuly 11, 2010

Duk da haramcin da Isra´ila ta yi jirgin ruwan Libiya shaƙe da kayan masarufi ya darkaka zuwa zirin Gaza

https://p.dw.com/p/OGSM
Jirgin ruwa da kayan agaji daga Libiya ya darkaka zuwa GazaHoto: dpa

Wani jirgin ruwa shaƙe da abinci na kan hanyar sa zuwa zirin Gaza.

Gidauniyar agaji ta Ƙhadafi ce, mallakar ɗan shugaban ƙasar Libiya Seif Al-Islam ta yi hayar wannan jirgin ruwa, domin kai taimako ga al´umomin Gaza dake cikin halin uƙuba.

To sai dai hukumomin Isra´ila sun umurci matuƙa jirgin, kar su kuskura su shiɗe kayan a tashar jiragen ruwan Gaza. Ministan tsaro Ehud Barak,ya buƙaci a sauke wannan kaya, au a tashar jiragen ruwan Isra´ila ta Ashdod, ko kuma ta Al-Arish a Misira.

Amma a nata ɓangare Gidauniyar agaji ta Ƙaddafi ta ce sai ta ga abinda ya turewa buzu naɗi, kuma a yanzu haka ta na ci gaba da darkakawa zuwa tashar jiragen ruwan Gaza.

Idan dai ba a manta ba, a ƙarshen watan Mayu, Isra´ila ta kai hari ga wani jirgin ruwa mallakar Turkiyya a kan hanyar sa zuwa Gaza, inda mutane da dama suka rasa rayuka.

Mawallafi: Yahouza Sadissou Madobi Edita: Ahmed Tijani Lawal