1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Jiran sakamakon zaɓenshugaban ƙasa a Sierra Leone

Al´ummomin ƙasar Sierrra Leone, na ci gaba da jiran sakamakon zaɓen shugaban ƙasa zagaye na 2, wanda a ka gudanar a ƙarshen mako.

Ya zuwa yanzu hukumar zaɓe mai kanta, ba ta fito hili ba, ta bayyana ɗan takara da ya lashe wannan zaɓe, to saidai Ernest Bai Koroma, na jam´iyar adawa yayi iƙirarin samin gagaramin rinjaye.

Daga cikin kashi 1 bisa 5 na runfunan zaɓen da a ka tattara sakamakon su, Ernest Bai Koroma, ya sami kashi 64 cikin ɗari na jimmilar ƙuri´un da aka kaɗa.

Kakakin jam´iyar SLPP mai riƙe da ragamar mulki, Victor Reider, ya zargi ɗan takara Bai Koroma, da riga malam massalaci, a game da sakamakon wannan zaɓe.