1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Japan na makokin tuni da harin nukliya kan Nagasaki

Makamin kare dangi na nukliya da Amirka ta harba a birnin Nagasaki na Japan ran 09.08.1945 ya halaka mutane sama da dubu 74

A kasar Japan al'ummar birnin Nagasaki sun yi tsit na tsawon minti daya a wannan Lahadi domin tunawa da ranar zagayowar cikan shekaru 70 da birnin ya fuskanci harin makamin nukliya, daga kasar Amirka da karfe 11 da mintoci biyu na ran 09.08.1945 a lokacin yakin duniya na biyu.

Mutane kimanin 74000 ne suka halaka, kuma sama da kashi 80 daga cikin dari na gidajen birnin na Nagasaki suka rushe. Harin makamin kare dangin da birnin ya fuskanta a wancan lokaci, ya farau ne kwanaki uku bayan da dama kasar Amirkar ta hari birnin Hiroshima na kasar ta Japan da irin wannan makami, inda mutane kimanin 140,000 suka halaka.

Biyo bayan wadannan hare-haren makaman kare dangin ne dai, kasar ta Japan ta yi saranda ranar 15.08.1945 wanda haka ya kawo karshen yakin duniya na biyu. Taron makokin tunawa da wannan rana da ya gudana a yau Lahdi, ya samu halartar wakilai daga kasashe 75 na duniya.