1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Jam'iyya mai mulki ta yi rinjaye a zaben Burundi

Wannan sakamako dai na zuwa ne duk da ƙauracewar da 'yan adawa suka yi a zaɓen da ƙungiyoyi na ƙasa da ƙasa haɗi da Majalisar Ɗinkin Duniya da ke cewa zaɓen bai cika ba.

Burundi Präsident Pierre Nkurunziza

Shugaba Pierre Nkurunziza

Jam'iyyar da ke mulki a ƙasar Burundi ta shugaba Pierre Nkurunziza ta lashe mafi rinjayen kujerun majalisar ƙasar a zaɓen mai cike da ruɗani.Hakan ya bayyana ne a cikin wani sakamako da hukumar zaɓen ƙasar ta fitar a ranar Talatan nan.

Jam'iyyar ta CNDD-FFD ta shugaba Nkurunziza da ke neman tazarce a karo na uku a zaɓen ƙasar da ke tafe, ta samu nasarar lashe kujeru 77 daga cikin 100 na majalisar, a cewar hukumar zaɓen ƙasar.Wannan sakamako dai na zuwa ne duk da ƙauracewar da 'yan adawa suka yi a zaɓen da ƙungiyoyi na ƙasa da ƙasa hadi da Majalisar Ɗinkin Duniya suka ce bai cika sharuƊa ba na zama sahihi.