1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Jami'an tsaron yankin yammacin Afirka na ganawa a Senegal

Jami'an na ganawa ne domin gano hanyoyin warware matsalar tsaron da ya addabi yankin, musamman Boko Haram.

Burkina Faso Senegals Präsident Macky Sall

Shugaban kasar Senegal Macky Sall

Kwararru a fannin tsaro da dama ne ke ganawa a babban birnin kasar Senegal wato Dakar, domin daukan mahimman matakai na kawar da barazanar kungiyar Boko Haram da sauran kungiyoyin masu tada kayar baya a yankin yammacin Afirka.

Jami'ai daga kasashen Mali, da Faransa da Amirka da ma Majalisar Dinkin Duniya ma na halartar wannan taron wanda za su shafe wuni biyu ana yi.

An kaddamar da wannan taron na Senegal din ne sa'oi kadan bayan da mahukuntan kasar suka sanar da cewa sun tsare wasu malamai bisa zarginsu da hada kai da kungiyar Boko Haram.

Da ma dai kungiyar ta Boko Haram ta saba kai hari ne a Najeriya da kasashen da ke kusa da ita, amma da wannan kamen malaman da Senegal ta yi, an sami alamun farko na barazanar kungiyar a kasar wadda mafi yawan al'ummarta musulmi ne masu matsakaicin ra'ayi.

A karshen makon da ya gabata wasu 'yan mata sanya da bama-bamai sun kai harin kunar bakin wake a wata unguwa a Chadi wanda ya yi sanadiyyar mutuwar mutane da dama.