1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Isra´ila ta yi watsi da daftarin kudurin da Rasha ta gabatar

Har yanzu jami´an diplomasiya a kwamitin sulhun MDD sun kasa cimma daidaito game da wani kuduri akan Lebanon. Jakadan Isra´ila a MDD Dan Gillermann ya yi watsi da wani daftari da Rasha ta gabatar wanda yayi kira a tsagita wuta na tsawon sa´o´i 72 don ba da damar kai taimakon jin kai ga al´umar Lebaon. Ya ce hakan zai bawa ´yan Hisbollah lokacin sake yin shiri. A kuma halin da ake ciki Amirka da Faransa na yiwa daftarin kudurin da suka gabatar da farko kwaskwarima. Jakadan Amirka a MDD John Bolton ya yi kyakkyawan fatan cewa za´a cimma wata masalaha a yau juma´a. Batun da ke hana ruwa gudu shine na tsagita wuta da janyewar dakarun Isra´ila daga kudanci Lebanon.