1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Iraki: Harin bam ya halaka fiye da mutum 70

Wani harin kunar bakin wake da aka kai a gidan cin abinci a birnin Nasiriya da ke a kudancin kasar Iraki ya halaka mutane 74 tare da raunata wasu da dama.

Rahotanni daga kasar na cewa da farko wani dan kunar bakin wake ne ya soma tayar da bam din da ke a jikinsa a cikin gidan cin abincin yayin da wasu maharan da ke a wajen ginin suka bude wuta akan jama'ar da ke harabar gidan cin abinci, a wata sanarwar da ma'aikatar tsaron kasar ta fitar ta tabbatar da alkaluman mamatan ta kuma ce akwai wasu Iraniya hudu a cikin mamatan.

Ana dai fargabar alkaluman mamatan ka iya haurawa ganin munin lamarin, harin na zuwa a yayin da dakarun gwamnatin kasar ke cewa suna kokarin fatatakar mayakan kungiyar IS da ayyukan su ya yi sanadiyar rayukan daruruwan mutane a kasar, Kungiyar ta IS ta dauki alhakin kai tagwayen hare haren na wannan rana.