1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Harin Wuerzburg da Ansbach na da hadi da 'yan jihadi

A cewar Mista Herrmann hare-haren na Wuerzburg da Ansbach ta'addanci ne da ba za a kauda idanu a kansu ba.

Deutschland Ansbach Explosion PK Joachim Herrmann

Joachim Herrmann ke jawabi ga manema labarai

Ministan harkokin cikin gida na jihar Bavaria a nan Jamus Joachim Herrmann ya bayyana a ranar Talatan nan cewa hare-haren da aka kai a makon jiya a Wuerzburg ta hanyar amfani da gatari a cikin jirgin kasa da ma wanda ya kai hari da bam a garin Ansbach a ranar Lahadi da ta gabata, hare-hare ne da ke da alaka da masu ikirarin kaifin kishin addinin Islama.

A cewar Mista Herrmann hare-haren na Wuerzburg da Ansbach ta'addanci ne da ba za a yi sakaci a kansa ba, za a sanya idanu sosai a kansa dan kare kara afkuwar hakan a nan gaba.