1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Harin ta'addanci ya kashe sojojin Mali biyar

Sojojin Mali biyu sun halaka a yayin kana da dama suka bace a wani harin ta'addancin da mayakan kungiyoyin masu da'awar jihadi suka kai a wannan Asabar a barikinsu ta garin Bintagoungou na arewacin kasar. 

Wani dan majalisar yankin wanda bai so a ambaci sunansa ba, ya kwarmata wa kamfanin dillancin labaran Faransa na AFP cewa, an kai harin ne da karfe biyar na asubahin wannan Asabar, kuma maharan sun lalata illahirin kayan aikin sojojin gwamnatin da ke a cikin wannan barikin soja da ke a nisan kilomita 80 da birnin Tombouctou daya daga cikin manyan biranen yankin Arewacin kasar. 

Wasu shaidun gani da ido a garin na Bintagoungou sun ce maharan sun kwashi ganimar kayan yaki mai yawa kana sun kama wasu sojojin sun tafi da su. Wata majiyar sojojin Malin ta tabbatar da afkuwar lamarin ba tare da bayar da wani cikakken bayani ba.