1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Harin bam ya halaka mutane 19 a birnin Bagadaza

Akalla mutane 19 sun rasu sannan kimanin 36 sun samu raunuka a wani harin bam da aka kai a gabashin birnin Bagadaza. Bam din ya fashe ne da sanyin safiyar yau asabar lokacin da wani gungun leburori ´yan shi´a suka hallara don nema aiki. Wannan harin dai ya zo ne sa´o´i kadan gabanin majalisar dokokin Iraqi ta fara shirin tabbatar da sabuwar gwamnatin hadin kan kasa a ofis. Bayan watanni da dama ana fama da kika-kaka a fagen siyasa, a jiya juma´a shugabannin Iraqi suka amince da kafa sabuwar majalisar ministoci wadda ta kunshi manyan kabilu da kuma mabiya addinan kasar dabam-dabam. Ya zuwa yanzu kuwa ba´a bayyana sunayen wadanda za´a ba manyan mukamai na ministocin cikin gida da kuma na tsaro ba, amma rahotanni sun ce FM Nuri al-Maliki zai rike wadannan mukamai na wucin gadi.