1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Hare-haren ta´adanci a ƙasar Irak

A ƙasar Iraki, kamar yadda a ka saba kullum, yan kunar baƙin wake, na ci gaba da kai hare hare, a Bagadaza, da sauran birane na wannan ƙasa.

Da sanhin sahiyar yau, mutane 8, su ka rasa rayuka a wasu tagwayen hare hare, a arewancin Bagadaza.

Ire iren wannan hari, ya wakana a birane, kamar su Tal Afar da Kales.

A ɓangaren sojojin Amurika kuwa, rahotani sun bayyana cewar su 5, su ka sheƙa lahira, daga ranar lahadi zuwa yau.

Daga ɓarkewar yaƙin Iraki, a shekara ta 2003, zuwa yanzu, sojojin Amurika 2.360 su ka kwanta dama.

Ta fannin siyasa kuwa, har yanzu, a na ta kai ruwa rana, a game da girka sabuwar gwamnati.