Hare-haren ƙunar baƙin wake a Iraƙi

Harin ya afku ne bayan da wata motar da aka ɗana wa bam ta yi bindiga ta kuma fashe a wani wurin binciken ababen hawa da ke a Hilla a Kudancin Bagadaza. Hotunan da aka nuna ta hanyoyin intanet na sada zumunta na nuna ɓarna da aka haddasa a wurin binciken ababen hawar a daidai lokacin da motoci suka ja dogayen layuka a wurin.

Kawo yanzu babu wata ƙungiya da ta yi iƙirarin kai harin. Amma ana kyautata zaton cewar Ƙungiyar IS ce ke da alhakin kai harin.