1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Hamas ta lashi takobin daukar fansa bayan wani farmakin Isra´ila

Bayan farmaki ta sama da Isra´ila ta kai a Birnin Gaza, wanda ya halaka Falasdinawa 3, kungiyar Hamas ta ba da sanarwar daukar fansa. Shugaban Hamas Khalid Mashal ya ce kungiyarsa na da ´yancin kare kanta daga duk wani hari na Isra´ila. Wannan harin dai shi ne irinsa na farko da Isra´ila ta kai tun bayan nasarar da Hamas ta samu a zaben ´yan majalisar dokokin Falasdinawa da aka gudanar a ranar 25 ga watan janeru. Hamas dai na shan matsin lamba daga kasashen duniya na ta daina kaiwa Isra´ila hare hare. A wani labarin kuma wata Bayahudiya a garin Petah Tikvaf ta rasu bayan da wani Bafalasdine ya daba mata wuka. ´Yan Isra´ila 5 sun samu rauni a wannan hari wanda aka ce yana da alaka da siyasa. A wata sabuwa kuma Isra´ila ta amince ta turawa hukumar mulkin Falasdinawa miliyoyin dalar Amirka na kudaden kwasta bayan ta dakatar da yin haka sakamakon lashe zaben da Hamas ta yi.