1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Habasha ta fara sakin fursunonin siyasa

January 17, 2018

Gwamnatin Habasha ta dauki matakin fara sakin daruruwan fursunonin siyasa da ke gidajen fursunoni na kasar inda babban dan adawa Merera Gudina yake cikin wadanda aka sako.

https://p.dw.com/p/2r2Wq
Addis Abeba - Opposition Partei EDEPA Logo
Hoto: Getachew Tedla HG

Gwamnatin Habasha ta dauki matakin fara sakin fursunonin siyasa inda tuni aka sako madugun 'yan adawa na kasar Merera Gudina wanda ya samu tarba daga dubban magoya baya. An saki wannan jigon 'yan adawan ne tare da wasu 'yan siyasa fiye da 100 daga gidan kurkukun da ke wajen birnin Addis Ababa. Kana an saki wasu 'yan furkuna 361 daga wurare daban-daban a yankin kudancin kasar ta Habasha kamar yadda kafofin yada labarai na kasar suka ruwaito.

Tuni jigon 'yan adawan Merera Gudina ya bukaci gwamnati ta yi tattaunawa ta hakika da 'yan adawa saboda shawo kan rikicin siyasa da ake samu a kasar ta Habasha da ke yankin gabashin Afirka.