1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Gobe majalisar dokokin Jamus zata fara muhawwara kan sabon yanayin talauci a cikin kasar

A muhawwarar da ake yi dangane da sabuwar matsalar talauci a Jamus, shugabannin jam´iyar Social democrat sun kare matakan canje-canje a kasuwar kwadago na tsohuwar gwamnatin kawance ta SPD da Greens. To amma a daura da haka babban sakataren jam´iyar CDU Ronald Pofalla ya zargi SPD da laifin karuwar talauci a cikin Jamus. Ita kuwa jam´iyar masu sassaucin ra´ayi ta FDP kira ta yi da a ragewa kananan hukumomin kasar nauyin tafiyar da ayyukan renon yara. Yayin da ´ya´yan jam´iyar neman sauyi suka nema da a daina yin tsimin kudi a ayyukan tallafawa yara da matasa. Ita kuwa majami´ar Katholika ta goyi da bayan wani shirin tallafawa ma´aikata ne.