George Weah ya sha rantsuwar kama aiki | Labarai | DW | 22.01.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

George Weah ya sha rantsuwar kama aiki

A dazu ne George Weah na kasar Laberiya ya sha rantsuwar kama aiki a matsayin sabon shugaban kasar bayan da ya lashe zaben da aka yi a karshen shekarar da ta gabata.

Rantsuwar dai ta gudana ne gaban dubban magoya bayansa da manyan baki musamman ma shugabannin kasashe daga sassan duniya daban-daban. Wannan dai shi ne karon farko tun shekarar 1944 da wata gwamnatin farar hula ta mika mulki ga 'yar uwarta ta farar hula bayan da Weah din ya karbi mulki daga hannun tsohuwar shugabar kasar Ellen Johnson-Sirleaf wadda ta shafe shekaru 12 ta na jan ragamar kasar.