1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Ganawar jami'an Amirka da Jamus

Muntaqa Ahiwa
May 18, 2017

Ministan harkokin wajen Jamus Sigmar Gabriel ya bukaci taimakon kasar Amirka wajen ganin an warware takaddama tsakanin Jamus da kasar Turkiyya.

https://p.dw.com/p/2dBWT
Bundesaußenminister Sigmar Gabriel in den USA
Hoto: picture-alliance/dpa/B. von Jutrczenka

A wata ganawa da takwaransa na Amirka Rex Tillerson, manyan jami'an biyu sun tattauna batun kin amincewar da Turkiyya ta yi na 'yan majalisar Jamus su kai ziyara ga sojojin Jamus da ke Turkiyyar.

Kasar Turkiyya dai ta ce kin amincewar, martani ne ga mafakar da Jamus din ta baiwa sojojin Turkiyya, bayan yunkurin kifar da gwamnatin shugaba Erdogan a bara.

Ministan harkokin wajen na Jamus dai ya ce yana da yakinin Amirka za ta yi amfani da tasirinta wajen kiran inganta dangataka tsakanin kasashe manbobin kungiyar tsaro ta NATO.