1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Firimiyan Benin ya tsallake rijiya da baya

Salissou Boukari December 27, 2015

Wani jirgin sama mai saukar ungulu dauke da Firaministan Benin Lionel Zinsou ya fado a daidai lokacin da yake kokarin sauka, a filin kwallon kafa na garin Djougou.

https://p.dw.com/p/1HUCg
Lionel Zinsou
Lionel ZinsouHoto: picture-alliance/dpa/F. Franklin

Zinsou ya je garin Djougou da ke a yankin Arewa maso yammacin kasar ta Benin domin halartar wasu bukukuwa na Ganni da ake gudanarwa a duk watan Disamba na ko wace shekara a wannan yanki. Sai dai kawo yanzu ba'a gano musabbabin wannan hadarin jirgin mai saukar ungulu ba. Amma tuni aka soma bincike a kan lamarin. Wata majiya ce ta fadar shugaban kasar ta Benin ta tabbatar da wannan labari

A watan Yunin da ya gabata ne Shugaban kasar Yayi Bony Yayi ya nada Lionel Zinsou wanda yake da takardar zama dan kasar Faransa a matsayin Firaminista, kuma jama'a da dama na masa kallon wani wanda ka iya maye gurbin shugaban kasar a karshen wa'adin mulkinsa.