1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Firaministan kasar Italiya ya yi murabus

Salissou Boukari
December 5, 2016

Tun farko dai Matteo Renzi ya sha alwashin cewa idan har masu adawa da kawo sauyi ga kundin tsarin mulkin kasar da ya bukata suka yi rinjaye, to zai yi murabus daga mukaminsa.

https://p.dw.com/p/2TjUI
Italien | Ministerpräsident Matteo Renzi kündigt nach gescheitertem Referendum seinen Rücktritt an
Hoto: REUTERS/A. Bianchi

Da yake magana jim kadan bayan sakamakon zaben da bai bashi nasara ba, Renzi ya ce: "Na yi bukatar kawo sauye-sauye a tsarin tafiyar da siyasar kasar ta Italiya da suka shafi majaliyasar wakillai, da batun jihohi da kuma majalisar tattalin arziki kasa, amma hakan ba ta samu ba, don haka dole in dauki wannan mataki."

Dan shekaru 41 da haihuwa Firaministan na Italiya mai murabus, da ya shafe kwanaki sama da dubu kan wannan mukami, zai mika takardar murabuns din sa ne a wannan Litinin din (05.12.2016) ga shugaban kasar ta Italiya Sergio Mattarella yayin  wani taron majalisar Ministoci.

Sai dai daga nashi bangare Beppe Grillo, babban mai adawa da Firaministan ya ce wannan ishara ce ga kowa, domin ba za a ci gaba da yi wa al'ummar karya ba, ba tare da an fuskanci sakamakon hakan ba.