Fifa ta gabatar da rukunin farko na 'yan takararta

Hukumar zabe ta Fifa ta tantance takarar mutane biyar daga cikin jerin wadanda suka aza takarar neman shugabancin hukumar da za a yi a watan Febairu mai zuwa. Hukumar ta tabbatar da sahihanci takarar mutanen biyar ne a lokacin wani zama na musamman da ta gudanar a wannan Alhamis.

'Yan takarar da hukumar ta amince da su kawo yanzu sun hada da yarima Ali na Jodan, da Jerome Champagne dan kasar Faransa , da Tokyo Sexwale na Afirka ta Kudu.

Sai dai hukumar ta yi watsi da takarar Bility dan kasar Laberiya a yayin da ta jingine binciken takarar Michel Platini dan Faransa har sai bayan kammala wa'adin matakin dakatar da shi da hukumar ta yi.

A ranar 26 ga watan Febairu shekarar badi ne dai za a gudanar da zaben sabon shugaban hukumar ta Fifa wanda zai maye gurbin Sepp Blater wanda hukumar ta dakatar da shi bayan bankado zargin cin hanci da karbar rashawa a cikin hukumar ta Fifa