1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Fashewar bututun man fetir a Nijeriya

Mutane kimanin 150 zuwa 200 suka rasa rayukansu a fashewar wani bututun mai a kusa da Legas cibiyar hadahadar kasuwanci a tarayyar Nijeriya. Rahotanni sun nunar da cewa har yanzu akwai gawawwakin mutane da suka kone kurmus a wurin da bututun yayi bindiga. Rahotannin farko sun ce bututun ya kama da wuta ne bayan da wasu bata gari dake satar man fetir suka lalata bututun a yankin Ilado dake wajen birnin na Legas. Sau da yawa dai talakawa a Nijeriya kasar da tafi arzikin man fetir a nahiyar Afirka, kan lalata bututun mai don samun man girki ko kuma sayarwa a kasuwannin bayan fage. A cikinw atan satumban shekara ta 2004 mutane 50 suka rasu a fashewar wani bututun mai a kusa da birnin na Legas.