1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Fargabar daukar HIV a kasar Ostareliya

Ana fargabar mutane kimanin dubu 11 sun dauki HIV bayan da wasu likitoci suka yi aiki da wasu kayan aiki ba tare da tsabtace su ba.

Hukumomin kasar Ostareliya sun ce mutane kimanin dubu11 ne ake fargabar sun dauki kwayoyin cutar HIV a kasar bayan da wasu likitocin hakura su 12 da ke aiki a wani gidan assibitin birnin Sydney suka yi amfani da kayan aikinsu ba tare da sake tsabtace su ba bayan wani aiki da suka yi da su a baya.

Hukumomin kiwon lafiyar kasar ta Ostareliya sun ce sun yi kira ga mutanan kimanin dubu 11 da su kawo kansu a gudanar da bincike domin tantance in har ba su kamu da kwayoyin cutar ta HIV ba.Tuni dai hukumomin suka dauki matakin dakatar da aikin wasu likitocin shida a yayinda aka baiwa sauran shidar damar ci gaba da aikin nasu amma a bisa wasu sharudda.