Faransa: Za a ci gaba da yarjejeniyar Iran

Kakakin majalisar Ali Larijani ya ce matakin babban barazana ce ga tsaro da ma zaman lafiya ya kuma baiyana shakku kan alkawarin da sauran kasashen da aka kulla yarjejeniya da su suka dauka na mutuntata.

Tuni kasashen duniya suka fara mayar da martani kan ficewar Donald Trump daga yarjejeniyar, inda ministan harkokin wajen Faransa, Jean Yves Le Drian ya ce, ficewar Amirka bai sa yarjejeniyar ta mutu ba, ya kara da cewa kasashen Turai na shirin ci gaba da wannan yarjejeniyar  inda ya ce za'ayi taron gaggawa a tsakanin ministocin harkokin wajen Jamus, da Birtaniya da Faransa da kuma takwaransu Iran a wannan Litinin mai zuwa. A yammancin jiya Talata ne shugaba Trump  ya sanar da soke yarjejeniyar da kuma yin alkwarin kakkaba ma Iran sabbin takunkumi.