1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Faransa: Yiwuwar kai harin ta'addanci

Amirka ta gargadi kasar Faransa da kan hadarin da ke akwai na na kai harin ta'addanci a lokacin gasar cin kofin kwallon kafa na kasashenTurai a Faransa cikin watan Yuni.

A cikin wata takardar da ofishin sakataran harakokin wajen Amirka ya fitar kan batun hadarin da ke tattare da yin balaguro a kasashen Turai, ya ce filayen da za a buga wasannin ko kuma wuraren da za a nunasu a Faransa dama a sauran kasashen Turai wurare ne masu hadarin fuskantar hare-haren ta'addancin.

Ofishin sakataran harakokin wajen Amirkar ya gargadi Amirkawa masu tafiya yawon buda ido ko halartar wasu taruka a kasashen na Turai da su kaurace wa shiga wuraren shakatawa da gidajen cin abinci ko manyan shagunan sayar da kaya dama tashoshin sufuri na safa-safa da jiragen kasa. Kazalika Amirka ta ce akwai irin wannan barazana a gasar tsereren kekuna ta Tour de France da Faransar za ta shirya a cikin watan Yuli mai zuwa.