1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Zamantakewa

Fadakar da Bebaye a Kano

Bebaye a Kano sun yaba da gudummawar da suke samu daga wata marubuciyar littattafan harshen Bebaye na kasar Hausa da aka fi sani da sunan Halima 'yar asalin kasar Jamus.

DW Taubstumm3 (Katrin Gänsler)

Babayen sun yaba ne a lokacin da marubuciyar da taimakon wasu daga cikin matasansu suke aikin tsara wasu littattafan na alamomin maganar hannu da ma'anoninsu. A bara ne wannan marubuciya Constanze Schmaling da aka fi sani Halima ‘yar Fulani a kasar Hausa ta kaddamar da littafi na uku da na hudu na harshen Bebayen, sannan a bana kuma ta zo da littafi na biyar wanda ta raba wa Bebaye a makarantunsu na yaki da jahilci da ke Kano.

Ta kuma yi alkawarin ci gaba da ba da gudummawa ta musamman.

"Za a ci gaba da irin wannan aiki da muke yi yanzu wato za a kara yin wasu littattafai. An buga guda dubu aka rarraba wa Bebaye kyauta."

Fafutukar da ake yi dai shi ne na ganin cewar Bebayen sun nakalci magana da hannu.