1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

EU da Birtaniya sun fara tattaunawa

Yayin da Birtaniya ta fara tattaunawa da EU kan ficewa daga kungiyar, jami'in EU Michel Barnier yace wajibi ne a shawo kan batutuwa masu sarkakakiya.

Jagoran tattaunawar kungiyar EU Michel Barnier da takwaransa na Britaniya David Davis sun shedawa manema labarai cewa sun shirya tattaunawar don shata yadda Britaniya za ta fice daga kungiyar baki daya.

Wannan dai na zuwa ne bayan da Firaiministar Britaniyan Theresa May ta rasa gagarumar rinjaye da take da shi a majalisar dokokin kasar al'amarin da ake ganin zai iya haifarwa kasar tarnaki a tattaunawar.

Al'ummar Britaniya dai sun zabi ficewa daga kungiyar EU a zaben raba gardama da aka yi a bara.