1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Estoniya za ta fara amfani da kuɗin euro

Matakin Estoniya na haɗewa da ƙasashe masu amfani da takardar kuɗin euro.

default

Tutar ƙasar Estoniya.

Hukumar zartarwa ta Ƙungiyar Tarayyar Turai ta ba da goyon bayanta ga shirin ƙasar Estoniya na neman shiga sahun ƙasashe masu amfani da takardar kuɗin euro, a shekara mai zuwa. A ranar ɗaya ga watan Janairun shekara mai zuwa ne ƙasar za ta maye gurbin takardar kuɗinta na kroon da takardar kuɗin euro. Kenan Estoniya za ta zamo mamba ta 17 na rukunin ƙasahen masu amfani da kuɗin euro da aka fara amfani da shi a shekara ta 2002. Sharuɗan shiga wannan rukuni su haɗa ne da daidaita basuka da kuma sassauta matsayin tsadar rayuwa . A watan Yuli mai zuwa ne kuma ministan kuɗin Ƙungiyar Tarayyar Turai zai tabbatar da halalcin Estonia na haɗewa da ƙasashen masu amfani da kuɗin euro.

Mawallafiya: Halima Balaraba Abbas

Edita: Yahouza Sadissou Madobi