1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

DW ta bukaci bude reshenta da Masar ta toshe

Mahukunta a kasar Masar sun toshe wata kafar sadarwa ta intanet mallakin tashar DW wato Qantara.de. ba tare da sun bada wani gargadi ba.

Ita dai kafar sadarwa da ke zama wata mujalla a yanar ta Intanet, tana taka muhimmiyar rawa a tattaunawa da duniyar Musulmi cikin harsunan Jamusanci da Ingilishi da kuma Larabci. Kalmar Qantara dai kalma ce ta larabci da ke nufin gada. Editocin mujallar ta intanet na mayar da hankali kan batutuwan siyasa da al'adu da kuma zamantakewar al'umma. Kafa ce kuma da ke ba wa jama'a damar fadin albarkacin bakinsu da mutunta juna.

Tuni dai kakakin tashar DW Christoph Jumpelt ya yi kira ga mahukuntan na Masar da su sake bude kafar sadarwa ba tare da wani bata lokaci ba. Tun a shekarar 2015 hukumomi a Masar ke sanya ido kan ayyukan tashar DW.