1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Dan bindiga ya bude wuta a Turkiyya

A Turkiyya an shiga cikin sabuwar shekara da bacin rai bayan da wani dan bindiga ya kai hari a wani gidan rawa da ke a birin Istanbul wanda a cikin mutane 39 suka mutu kana wasu 69 suka jikkata.

Ministan cikin gida na Turkiyya ya ce daga cikin wadanda suka mutu har da 'yan kasashen waje guda 19. Wanda ya kai harin  ya yi shigar burtu a gidan rawar sannan ya  bude wuta a kan jama'ar daf da lokacin ake yin bukukuwan shiga sabuwar shekara ta 2017. Hukumomi a kasar dai sun ce suna ta kokari wajen damke wadanda ke da hannu wajen shirya wannan hari yayin da a share guda kasashen duniya ke cigaba da aikewa da sakonninsu na jaje ga mahukuntan Turkiyya din.