1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Cigaba da zaman sojin Amirka a Afganistan

Shugaba Ashraf Gani na Afganistan ya bayyana gamsuwarsa da matakin da Shugaba Donald Trump na Amirka ya dauka na yin watsi da shirin kwashe sojojin Amirka daga Afganistan.

NO FLASH Amerikanische Soldaten nach Afghanistan (AP)

A cikin wani jawabi da ya gabatar a jiya Litanin Shugaba Donald Trump ya bayyana cewa ficewar sojojin Amirka daga Afganistan na iya kasancewa wata babbar dama ta yaduwa da ma bunkasar kungiyoyin 'yan ta'adda irin su Al-Qaida da IS a cikin yankin. Bugu da karin Shugaba Trump ya ba da umurnin aikawa da karin sojojin Amirka dubu uku da 900 baya ga wasu sama da dubu takwas da ke girke a kasar.

Sai dai tuni kungiyar Taliban ta mayar da martani a game da wannan aniya ta Amirka, inda ta ce matsawar za a samun sauran sojin Amirka ko da daya ne a cikin Afganistan, to kuwa su ba za su fasa yakarsu ba a kan hanyar Jihadi. Akan haka ne ta yi ikrarin daukar alhakin wani hari roka da aka yi zuwa ofishin jakdancin Amirkar a birnin Kabul a jiya Litinin.