1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Gano gawarwakin bakin haure a gabar ruwan Libiya

Lateefa Mustapha Ja'afarAugust 27, 2015

Jami'an tsaron da ke gadin gabar teku a Italiya sun sanar da gano gawarwakin bakin haure akalla 50 a wani kwale-kwale da ke safararsu.

https://p.dw.com/p/1GMfk
Matsalar 'yan gudun hijira da bakin haure a Turai.
Matsalar 'yan gudun hijira da bakin haure a Turai.Hoto: picture alliance/ZUMA Press/A. Melita

Rahotanni sun nunar da cewa jirgin ruwan sintiri na kasar Sweden da ke aiki a hukumar tsaron gabar teku da kasashen Tarayyar Turai suka kafa wato Triton ne ya gano gawarwakin yayin da yake bakin aiki a gabar ruwan Libiya. Sai dai da aka fara ceto wasu bakin hauren 439 a cikin kwale-kwalen kafin daga bisani aka gano gawarwakin a cikinsa. Kungiyar kula da 'yan gudun hijira ta kasa da kasa ta bayyana cewa sama da mutane 2,000 ne suka hallaka a teku cikin wannan shekarar ta 2015 a kokarin da suke na tsallakowa Turai.