1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ceto birran Afirka daga barazanar bacewa

Masana masu aikin bincike kan birrai kimanin 150 daga kasashen Afirka daban-daban na gudanar da wani taro a birnin Abidjan na Cote D'Ivoire domin kafa wata kungiya da nufin ceto birrai daga barazanar karewa a Afirka. 

Masana kimiyyar halittar birrai kimanin 150 daga kasashen Afirka daban-daban na gudanar da wani taro a birnin Abidjan na kasar Cote D'Ivoire domin kafa wata kungiya da nufin ceto birrai daga barazanar karewa a Afirka. 

Masana dai sun bayyana cewa sama da kashi daya daga cikin biyu na nau'o'in birran Afirka na fuskantar bacewa daga doron kasa inda alal misali a Madagascar adadin goggwan biri da ke da akwai a kasar ya ja baya da kusan kashi 90% a shekaru 20 na baya bayan nan. 

Birran Afirkar dai na fuskantar barazanar karewa ne a sakamakon ayyukan dan Adam da ke farautarsu da lalata dazzuka da kisan itatutuwa da ke zama muhallansu domin fadada filayen noma ko hakar ma'adanai ko kuma gina birane.