1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Bom yayi ajalin mutane 30 a Iraq

Wani bom daya tashi a cikin wata karamar mota a kudu da birnin Bagadaza a Iraqi yayi sanadiyyar rasuwar mutane talatin wasu kuma 35 sun jikkata.

A cewar wani jami´in sojin kasar,yan kunar bakin waken sunyi harin motocin dakarun sojin Amurka ne dake tsaitsaye a kusa da wani asibiti dake garin Mahmoudiyya, sai abin ya kuskure izuwa kann wadan nan mutane.

Ya zuwa yanzu dai babu wani sojan Amurka daya daya rasa ransa ko kuma ya jikkata sakamakon wannan abu daya faru.