1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Birtaniya za ta bukaci gaggauta sauye-sauye cikin EU

Ana kankan tsakanin masu so da masu kin ficewar Birtaniya daga kungiyar Tarayyar Turai a kuri'ar raba gardama da 'yan kasar za su kada.

Philip Hammond Außenminister Großbritannien

Philip Hammond sakataren harkokin wajen Birtaniya

Gwammatin Birtaniya ta ce idan kasar ta zabi cigaba da zama cikin kungiyar Tarayyar Turai EU, to za ta yi kira da a gaggauta yi wa kungiyar canje-canje. A lokacin da yake magana a gun taron ministocin harkokin wajen kasashen EU a Luxemburg, sakataren harkokin wajen Birtaniya Philip Hammond ya ce dole a gaggauta aiwatar da alkawuran da shugabannin EU suka dauka a cikin watan Fabrairu da ya gabata. A lokaci daya kuma ya yi gargadin cewa zaben raba gardamar ta ranar Alhamis mai zuwa mataki ne da ba za a iya canjawa ba.

Ya ce: "Ana kankankan a batun kuri'ar raba gardamar, amma ko yaya za ta kaya dai sakonmu ga al'ummar Birtaniya shi ne shawara ce da ba za a iya canjawa ba, idan Birtaniya ta yanke shawarar ficewa to ke nan bakin alkalami ya bushe, Birtaniya ba za ta iya sake komawa cikin EU ba face a kan ka'idoji da ba za a taba amincewa da su ba, wato kamar kasancewa cikin kasashe masu amfani da kudin Euro da yarjejaniyar Schengen da dai sauransu."