1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Birtaniya da Bill Gets za su yaki malariya

Kudi miliyan dubu hudu ne na Euro shirin zai lakume a cikin shekaru biyar masu zuwa a fannin bincike dama duk wasu ayyuka da za su taimaka wajen kawar da wannan cuta.

Hamshakin attajirin nan Shugaban Kamfanin Microsoft wato Bill Gates da kuma ministan kudin kasar Birtaniya sun ba da sanarwar a wannan Litinin fito da wani sabon shiri na yaki da cutar zazzabin cizon sabro wacce ta kasance cutar mafi kisa a duniya.

Jaridar The Times wacce ta wallafa labarin ta ruwaito minista George Osborne da Bill Gates na cewa kudi miliyan dubu hudu ne na Euro shirin zai lakume a cikin shekaru biyar masu zuwa a fannin bincike dama duk wasu ayyuka da za su taimaka wajen kawar da wannan cuta.

A karkashin shirin dai a tsawon shekaru biyar masu zuwa a ko wace shekara Birtaniya za ta zuba miliyan 660 a yayin da gidauniyar Bill Gets za ba da miliyan 190.

Rahoton Hukumar Lafiya ta Duniya WHO na shekara ta 2015 ya bayyana cewa mutane miliyan 214 suka kamu da cutar a shekarar ta bara inda daga cikin sama da dubu 438 suka mutu.