1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Siyasa

Bikin rantsar da sabon babban alkalin Najeriya

An rantsar da sabon babban alkalin Walter Samuel Nkanu Onnoghen cikin wani yanayin jayayyar fasalin da yakamaci yakin da cin hancin a kasar ya dauka yanzu.

Samuel Nkanu Onnoghen daga dama sanye da tuta a jikinsa,Yemi Osinbajo mataimakin shugaban Najeriya daga hagu

Samuel Nkanu Onnoghen daga dama sanye da tuta a jikinsa,Yemi Osinbajo mataimakin shugaban Najeriya daga hagu

Samuel Nkanu Onnoghen da ke zaman alkali na 20 da zai jagoranci bangaren shari'ar kasar dai na shan rantsuwa ta kama aikin ne a cikin yanayin rudani a tsakanin bangaren zartarwar da ke zargin alkalai na kasar da dakile yakin da cin hanci, da kuma alkalan da ke zargin masu yin mulkin da kokari na wucce makadi da rawa a cikin tsarin.Tun da farko da ba a boye yake ba,shugaban rikon kasar  Farfesa Yemi Osinbajo ya nemi sauyi a cikin tsarin sharii'ar na kasar.

Samuel Nkanu Onnoghen sabon babban alkalin Najeriya

Samuel Nkanu Onnoghen sabon babban alkalin Najeriya

Wannan lamari na zuwa ne a  lokacin da dukkanin bangarorin na gwamnati ke fuskantar matsalar dawowa daga rakiyarsu a bangare na kasar,har ma da tsarin shari'a.To sai dai sabon babban alkalin ya sha alwashin maido da kima da kuma darajar akalan a idon al'ummar Najeriya wadanda suka dade da yin watsi da lamarin shari'a a kasar saboda yawan cin hancin da ake samu a cikin batun.Abin jira a gani dai na zaman mataki na gaba a tsakanin alkalai na kasar  da ke da karfin ikon kai wa ya zuwa nasarar yaki da cin hancin da kuma bangare na zartarwar da ke fadin dole alkalain su hau sahu.

 

Sauti da bidiyo akan labarin