1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Baraka kan jingine nukiliyar Koriya ta Arewa

Ramatu Garba Baba
May 17, 2018

Koriya ta Kudu ta yi yunkurin dinke barakar da ta kunno kai kan shirin nukiliyar makwabciyarta Koriya ta Arewa, bayan da gwamnatin Pyongyang ta yi barazanar janyewa daga taron da za su yi da Amirka.

https://p.dw.com/p/2xrKv
Südkorea TV Donald Trump, Kim Jong Un
Hoto: picture-alliance/AP Photo/Young-joon

Koriya ta Arewa ta ce za ta iya janyewa daga zaman da aka shirya a tsakanin shugaba Kim Jung-un da takwaransa Donald Trump, muddun Amirka ta ci gaba da matsa ma ta da wasu sharudda kan lalata tashoshin nukiliyar baki daya, duk da cewa Amirkan a na ta bangaren ta yi alkwarin fitar da sunan kasar daga cikin jerin sunayen kasashe masu tallafawa ayyukan ta'addanci a duniya.

Kawo yanzu dai akwai shakku dangane da taron Koriya ta Arewar da Amirka a wata mai kamawa, biyo bayan atisayen da sojin Amirkan suka yi a Koriya ta Kudu, wanda Pyongyang ta bayyana a matsayin tsokana, tare da soke ganawar manyan jami'an bangarorin biyu.