1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ban Ki-moon ya yi gargadi ga Salva Kiir

Sakataren Majalisar Dinkin Duniya ya nemi Salva Kiir ya yi sara ya na duban bakin gatari kan nade-naden mukaman siyasa musamman na mataimakin shugaban kasa.

Majalisar Dinkin Duniya ta ja hankali shugaban kasar Sudan ta Kudu kan wajibcin yin la’akari da yarjejeniyar zaman lafiya da ta bada damar kawo karshen yakin basasa a lokacin da yake nade-naden mukamai. Wannan gargadi ya zo ne bayan da Shugaba Salva Kiir ya nada Janar Taban Deng Gai a matsayin sabon mataimakin shugaban kasa.

Dama dai yarjejeniyar zaman lafiya ta ware wannan mukami ga bangaren 'yan tawaye da ke adawa. Sai dai kuma akwai baraka tsakanin Taba Deng Gai da wanda ya gada wato tsohon mataimakin shugaban kasa. Shi dai Riek Machar.da ke zama madugun 'yan tawaye ya bar kasar Sudan ta Kudu a farkon wannan watan, bayan da tashin hankali ya barke tsakanin magoya bayansa da kuma na shugaban kasa Salva Kiir.