Babu canji akan halin rashin lafiyar da Mista Sharon ke ciki

Likitoci da ke yiwa FM Isra´ila Ariel Sharon mai fama da mummunan rashin lafiya jiyya a asibitin Hadassah dake Birnin Kudus sun ce har yanzu ba wani canji a halin da FM na Isra´ila ke ciki. Likitocin sun ce har yanzu FM na cikin wani hali na rai hannun Allah kuma za´a ci-gaba da sanya masa nau´rar tallafawa numfashi har nan da sa´o´i 24 masu zuwa. FM dai na cikin wannan hali ne kwana daya baan da likitoci suka yi masa tiyata don tsayar da jinin dake zuba a cikin kwakwalwarsa sakamakon mummunar mutuwar jiki da ya fuskanta da kuma zubar jini a cikin kwakwalwa. Rahotannin dai sun nunar da cewa FM na Isra´ila ba zai iya sake komawa bakin aikin sa ba ko da ya farfado daga wannan rashin lafiya na mutuwar jiki.