1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ana jirar sakamakon zaben shugaban kasar Senegal

An kammala kada kuri´a a zaben shugaban kasar Senegal da aka gudanar yau. Shugaba Abdulaye Wade mai shekaru 80 na fatan sake lashe zaben don yin sabon wa´adi na shekaru 5 akan mulki. To sai dai yana fuskantar kalubale daga sauran ´yan takara 14 a wannan kasa dake da zaunanniyar demukiradiya a jerin kasashen Afirka. Shugaba Wade wanda ya fara lashe zabe a watan maris na shekara ta 2000 ya na da karfin guiwar samun kashi 50 cikin 100 na kuri´un da aka kada, don kauracewa zuwa zagaye na biyu. A martanin da ya mayar ga masu kira garweshi da ya yi ritaya, shugaba Wade cewa yayi:

“Ya rage ga al´umar Senegal sun yanke hukunci. Idan a garesu na tsufa ba zan iya tabuka komai ba, to ba zasu jefa mini kuri´un su ba."

Rahotanni sun nunar da cewa masu zabe musamman a birnin Dakar sun fita kwansu da kwarkwatansu don kada kuri´a. Sama da mutane miliyan biyar suka cancanci kada kuri´a a kasar mai yawan al´uma miliyan 11 da dubu 700.