Ana ci-gaba da macin nuna adawa da gwamnati sojin Myanmar

Kimanin mutane 10 dubu karkashin jagorancin dubban ´yan addinin Bhudda sun yi wani maci a babban birnin kasar Myanmar, Yangon don nuna bijirewar su ga gwamnatin mulkin sojin kasar. Wannan macin ya zo ne kwana guda bayan da shugabar ´yan adawar Myanmar Aung San Suu Shi ta jinjinawa ´yan addinin na Bhudda lokacin da suka wucewa ta kofar gidan da ake yi mata daurin talala tuna shekara ta 2003. Shugabannin masu zanga zangar sun lashi takobin ci-gaba da maci har sai gwamnatin mulkin sojin ta ruguje. A cikin watan jiya aka fara zanga-zangar bayan da gwamnati ta ninka farashin man fetir har sau biyu.