1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ana ci-gaba da fafatawa tsakanin dakarun Libanon da ´ya´yan Fatah al-Islam

Kwana na biyu a jere dakarun Lebanon na ci-gaba da musayar wuta da sojojin sa kai a wani sansanin ´yan gudun hijirar Falasdinawa sdake arewacin Libanon. Wadanda suka shaida abin da ke faruwa sun ce akalla fararen hula 7 aka kashe yayin da fiye da mutum 70 suka jikata a fadan na yau. A fafatawar da aka yi jiya lahadi a wannan sansanin an halaka akalla mutane 50 tare da jiya 90 rauni. Sansanin inda ´yan gudun hijirar Falasdinawa kimanin dubu 40 suka samu mafaka, ya kasance cibiyar kungiyar Fatah al-Islam ta masu tsattsauran ra´ayi. A halin da ake ciki majalisar ministocin Libanon ta zargi kungiyar da kokarin haddasa rudami a cikin kasar a daidai lokacin da MDD ke shirin kafa wata kotun kasa da kasa wadda zata yi shari´ar mutanen da ake zargi da hannu a kisan da aka yiwa tsohon FM Libanon Rafik Hariri a shekara ta 2005.