An yi zargin aukuwar wasu abubuwa da ba su dace ba a zaben Azerbaidjan

Masu kare hakin jama´a a janhuriyar Azerbaidjan ta tsohuwar tarayar Sobiet sun yi zargin aukuwar wasu abubuwan da ba su dace ba a zaben ´yan majalisar dokokin kasar da ake yi yau lahadi. Amma jami´an hukumar zaben kasar a birnin Baku sun ce zaben na tafiya salin-alim ba da wata tangarda ba. A lokacin da yake kada kuri´arsa shugaba Ilkhan Aliyev mai ra´ayin rikau ya yi watsi da zargin da masu sa ido a zabe na kasa da kasa suka yi cewar an tursasawa ´yan adawa a lokacin yakin neman zabe. Kimanin mutane miliyan 5 ne suka cancanci kada kuri´a zaben majalisar dokokin mai kujeru 125. sama da jami´ai dubu daya daga ko-ina cikin duniya ke kula da yadda zaben ke gudana.